%20(1).png)
NFT最近係投資界成為熱話，好多名人同藝人都整咗自己嘅nft🐵，然後係網上高價出售，獲利不少。其實佢同其他虛擬貨幣性質相同，好似我哋成日聽到嘅比特幣 (BTC)同以太幣 (ETH），就屬於同質化貨幣💰，而NFT就屬於非同質化貨幣💰，咁其實到底nft係乜東東？佢嘅價值來自於邊到？等我地一齊嚟睇吓先😱😎希望幫到大家了解更多關於呢啲貨幣
— 同質化貨幣（Fungible Token）
每枚加密貨幣作用同價值都一樣，而且可以任意同人交換，唔需要再set另一個價值就可以交易，並且可以任意分割，唔需要買晒一整枚，唔需要以整數交易，可以淨係買0.00001枚BTC/ETH都得，而且佢哋本身具有公認價值，不能自訂貨幣價值！
—非同質化貨幣（Non-fungible token ）
每個nft都係獨一無二，因為每一枚都會有一個編碼，所以係不可替換的，而且每次交易都要係完整一枚，不可分割的，所以佢個價值同時包含防偽功能，因為每一個貨幣設計都具有獨特性，概念就好似政府發行左回歸10週年嘅$100港幣，雖然每張價值原本都係一樣，但有可能會因為紙幣上面嘅圖案同編號，凸顯出稀有性價值，所以每張紙幣都係獨一無二，無法被取代！
NFT點解價值可以去到咁高？
1.具有新聞價值
因為好多數位藝術家同名人都相繼創造左自己嘅nft，並以高價售岀！例如Beeple設計嘅作品，就以6,900萬美元賣出，當大家見到原來一張靜態圖或者GIF圖，都具有咁高收藏價值、同增值空間，種種話題都會引起大眾關注同好奇😱😱
2.具獨特性
NFT就好似係一個數位化嘅原版證書，無論係音樂或者係藝術創作，雖然知道世界上有好多相同性質嘅產品，但當如果哩個世界上一樣嘅產品得幾個，而你係其中一個，咁你會願意用幾多成本取得？其實NFT更多時候係一種社交價值，可以炫耀自己擁有一樣獨一無二同稀有嘅物品，個心態類似你買一啲奢侈品咁🤣🤓
3.名人效應
據Chainalysis數據顯示，2021年初至12月15日止，共有409億美元湧入NFT市場，而NFT潮連好多藝人也為之瘋狂，例如余文樂珍藏嘅NFT藝術品公開拍賣，賣岀3385萬港元，而周杰倫推出嘅「Phanta Bear」亦收益7千萬港元，其實nft交易並不限於藝術品，好似係Twitter創辦人就試過販賣自己第1則Twitter貼文，最終交易金額達8230萬元台幣😱😱😱！所以因此令唔少人相繼加入nft市場
如果大家中意我地嘅資訊可以Follow以下嘅page 緊貼有關iPYGG嘅消息❤️
Facebook: iPYGG
Instagram: ipygg_official
Linkedin: iPYGG
Youtube: iPYGG