【Jengshit 好西】超抵食超好味！新鮮出爐菠蘿飽🍍🍞屬於香港人濃烈人情味良心麵飽小店😍

眾所皆知，香港人嘅生活節奏係全世界其中一個最急促嘅地方，好多打工仔甚至趕到連食早餐嘅時間都冇😅,咁嘅情況下，麵包係唔少人食早餐嘅好選擇，因為可以一路返工搭車，一路大大啖咁食🤣,極之方便。但係近年嘅麵包市場，都被幾個大集團壟斷晒，要搵一間又平又抵食嘅絕對唔容易，小編今次要介紹嘅係位於荃灣香車街嘅一間「良心企業」- 麵飽先生。

---

麵飽先生被稱為「良心企業」，係因為佢哋「以蔗渣價錢食出燒鵝味道」。市面上，一個菠蘿包嘅價錢大概係六至八蚊，中等size,味道一般。但係麵飽先生嘅菠蘿包只係賣三個半，而且size偏大，啱晒大食人仕。而味道上，酥皮上嘅雞蛋、麵粉、砂糖、豬油等配合得天衣無縫，如果加上一杯凍飲，咬落去嘅第一啖會有一種冰火交融嘅感覺，令人欲罷不能🤤，容易上癮，加上喺通脹同經濟不景嘅環境下，佢哋都唔加價，嗰份香港濃烈嘅人情味🥰,深得民心，難怪每朝都有唔少老人家特登排隊去幫襯。

地點：麵包先生, G/F, 12 Tso Kung Square, Tsuen Wan

Copyright: iPYGG

（編者註：如果讀者對美食，旅行，娛樂或任何有趣的事情有任何建議，請隨時告訴我們〜您可以使用Facebook inbox或發送電子郵件至info@ipygg.com）