%20(1).png)
😍😍踏入2021年，唔少市民心願係香港可以走出上年嘅陰霾。2020年作為21世紀20年代嘅第一年，可謂諸事不順，無論經濟、社會、民生都唔如意，各行各業都期望一個新嘅開始。小編今次要介紹荃灣海濱新瑞豐嘅苦瓜炒蛋，希望苦瓜嘅「苦中一點甜」可以令大家「苦中作樂」，為香港人加油💪🏼。另外，苦瓜主色-綠色係代表希望，希望所有香港人喺新一年趨吉避凶，豬籠入水🤤🤤。
🤤位於荃灣海濱嘅新瑞豐茶餐廳係一間港式茶餐廳，充滿人情味。而餐牌上佈滿「食肉獸」最愛嘅肉類美食佳餚，當中苦瓜炒蛋可以算係「萬中一點紅」，清淡中帶出營養價值。苦瓜同蛋係最好嘅朋友，無論係口感同埋味道配合可謂一絕，苦中一點甜同炒蛋嘅鹹味互補不足，缺一不可🤤。眾所周知，甜酸苦辣係食物中四大味道，「甜」得到女仕們推崇備至；「辣」得到愛辣人士歡心；「酸」也有一班忠實粉絲愛戴，只有「苦」受到忽視，苦瓜炒蛋有望扭轉呢個局面，喺呢個推崇重口味嘅時代，推行味道界「革命」💪🏼。
😍😍苦瓜營養價值極高，亦係小編推薦原因。苦瓜味苦性寒，有清熱瀉火嘅作用，苦瓜中嘅苦瓜甙同苦味素，本身有改善食欲不振效果，仲有開胃健胃、協助消化等優點，其中含有奎寧，可以幫助身體平衡體溫，令人冇咁燥熱🥵。另外，苦瓜素可以促進體內糖分解，對糖尿病患者產生降血糖作用。而苦瓜嘅維他命C可以減少細胞突變或破損機會，幫助修復受損細胞，降低患有癌症或者肝病機會。
😍提提大家，低血壓低血糖、脾胃虛寒同需要補鈣人仕， 以及小童孕婦，都唔適合食太多苦瓜。
Copyright: iPYGG
（編者註：如果讀者對美食，旅行，娛樂或任何有趣的事情有任何建議，請隨時告訴我們～您可以使用Facebook inbox或發送電子郵件至info@ipygg.com）