%20(1).png)
近日，寒冷襲港，加上傍晚六點後要食外賣，市民出街意慾大減。適逢今日係冬至，難得一班親友聚首一堂，可以把酒言歡，談笑風生，適逢今日天公造美，正值800年首見嘅「木星合土星」天文現象，「對洒當歌，人生幾何？」。市民何不把握呢個千載難逢嘅機會，同三五知己一齊欣賞呢個奇景，共渡美好光陰？🤤🤤
要欣賞木星合土星，首先要學識喺夜空中辨認木星同土星，今晚嘅日落時間係五點四十五分，大家可以喺早啲嘅時間揾一個可以傾望西南方天空嘅地方霸定位，準備好去睇「星」。
日落後，大家會發現兩顆明亮嘅星星，木星係較為光亮嘅一顆，視星等為-2等，顏色偏黃，係附近天區最光亮嘅，星體，喺鬧市中都可以睇到。而喺木星唔遠嘅東方，會搵到一顆比較暗淡嘅土星，視星等為0.6等，如果夠幸運嘅，可以見到兩顆星盡在同一夜空下。
八點之後，兩顆星就會消失喺地平線，錯過左要等20年。 木星合土星呢個現象異常罕見，好似牛郎織女咁，別時容易見時難😭，好難再有機會見到，所以大家今晚記得要準時見証呢個時刻❤️。
Copyright: iPYGG
（編者註：如果讀者對美食，旅行，娛樂或任何有趣的事情有任何建議，請隨時告訴我們〜您可以使用Facebook inbox或發送電子郵件至info@ipygg.com）